Ақтауда жедел жәрдем қызметкерлері жұмысқа шықпай қалды

, деп хабарлайды «Хабар 24».

Ақтау, NEGE.  Кеше Жаңаөзен мен Мұнайлы ауданының дәрігерлері бойкот жариялаған. Бүгін оған ақтаулық фельдшерлер мен көлік жүргізушілері қосылды. Мұндай әрекетке төмен жалақы мен басшылықтың немқұрайлы әрекеті итермелеген дейді қызметкерлер. Қазір өңірде екі қала мен бір ауданда жедел жәрдем жартылай ғана жұмыс істеп тұр. Шұғыл шақыртуларға тек жеке және мемлекеттік емханалардың ғана жедел жәрдем қызметі шығып жатыр.

Дулат Ермекқалиев, облыстық денсаулық сақтау басқармасы басшысының орынбасары:

- Қызметкерлер тамыз айының жалақысы мен үстемақын уақытылы беруді талап етіп отыр. Бұған дейін үстемақы төлеуді тоқтату туралы шешім қабылданған. Оған қаражат тапшылығы себеп болды. Қазір бұл мәселе шешілді. Жергілікті бюджеттен 236 миллион теңге бөлінді. Жыл соңына дейін төленеді. Жаңаөзендік фельдшерлердің талабы орындалды. Рас, кейбір қызметкерлерге әлі қаражат түсе қойған жоқ. Ол банктердің жұмыс тәртібіне байланысты болып тұр. Үстемақы төлеу мәселесі бақылау кеңесінің шешіміне баланысты. Дүйсенбі күні жиын болады.