Ақтауда үстіне диван құлап кеткен ер адам көз жұмды
Ақтауда үстіне алтыншы қабаттан диван құлап, мойын омыртқасы сынып, сал болып қалған ер адам көз жұмды. Бұл туралы
Stan.kz жазды.
Алматы, NEGE. Туысының айтуынша, ол ағасының көз жұмғанын 26 тамызда дәрігерлерден білген.
"Германия мен Ресейден мамандарды шақыруға мәжбүр болдық, өйткені Қазақстаннан бірде-бір дәрігер оны қысымның асқынуына байланысты қабылдаған жоқ. Біз қайда бармадық",-дейді марқұмның бауыры.
Ол осы жағдайға кінәлі адамды әдейі “жасырып отыр” деп есептейді.
Еске салайық, 2023 жылғы қаңтар айында Нұрлан Тәжібаевтің үйіне түске асқа келе жатқанда үстіне алтыншы ұабаттан диван құлап кеткен. Ауыр соққыдан жерге құлаған ер адам есінен танып қалған. Сонымен қатар мойын омыртқасы сынып,сал болып қалған.
Маңғыстау облысының полиция департаменті бұл оқиға бойынша қылмыстық іс қозғағанымен, күдіктіні әлі күнге дейін таба алмай отыр.