Ақтауда толассыз жаңбырдан кейін асфальт жол опырылып түсті
26 наурызда Ақтау қаласының 21-шағын ауданындағы «Строитель» гараж-құрылыс кооперативі жанында ойылып қалған асфальт жолды тұрғындар бейнежазбаға жазып алған, деп хабарлайды Lada.kz порталы.
Алматы, NEGE. Оқиғаға байланысты "Каспий жылу су арнасы" директорының орынбасары Ислям Үсенов түсініктеме берді. «Бұл мекенжайда кәріз коллекторының екпіні соғып, салдарынан асфальт опырылып түскен. Қазіргі уақытта периметр бойынша қоршаулар орнатылды. Жөндеу жұмыстарын бастаймыз», – деп уәде берді Үсенов. Үсенов атап өткендей, оқиғадан ешкім зардап шекпеген.