Ақтауда әжетхана тапшы ма?
«Қарт Каспийдің маңында әжетхана жоқ» деп Маңғыстау жұрты желіде мұң шақты.
Алматы, NEGE. Өзін «Ұлттық вайнермін» деп жарнамалап жүрген Айдар Кәрімбаев күні кеше жаңа туындысын желіге жүктеді.
Сол-ақ, екен Ақтау халқы іліп әкетіп, бірінен-бірі бөлісіп «мәселе орынды көтерілген» дей жөнелді. Әзілге негізделсе де батпандай зілі бар туынды жергілікті халық көңілінен шыққан. Тіпті, белсенді қолданушылардың бірі «мәселе ақылмен емес, вайнмен шешіледі» деп жазыпты.
Пікір жазғандардың басым бөлігі «осы мәселе ертерек шешілсе екен» деген.
