Ақтауда оқушы қызға қол жүгіртті деп күдікке ілінген мектеп күзетшісі екі айға қамалды
Маңғыстау облысының полиция департаменті Ақтаудағы №10 мектеп күзетшісінің оқушы қызға тиісу оқиғасына қатысты түсінік берді, деп хабарлайды Zakon.kz.
Алматы, NEGE. Полиция ер адамның екі айға қамауға алынғанын хабарлады. Қазір ол тергеу изоляторында отыр.
«10 жасар оқушыға қол жүгіртті деп күдікке ілінген білім беру мекемесінің бұрынғы күзетшісі соттың санкциясымен екі айға қамауға алынды», – делінген хабарламада.
Айта кетсек, бұған дейін әлеуметтік желіде Ақтауда мектеп күзетшісі кәмелетке толмаған қызды шақырып алып, бұрышқа тығып қол жүгіртпек болғанда, оның сытылып кеткені туралы аудиожазба тараған. Бұл фактіні мектептің өзі растап, оқиға жексенбі, 12 мамыр күні болғанын хабарлады. Күзетші дереу қамауға алынды. Оның бұл әрекеті бейнебақылау камерасы түсіп қалған. Күзет агенттігіне қарсы іс қозғалды.