Ақтауда бұрынғы сүйіктісін ұрып-соққан ер адам қамалды
Маңғыстау облысы полиция департаменті Ақтауда көшеде бұрынғы қызын ұрып-соққан ер адам ұсталғанын хабарлады.
Алматы, NEGE. Күдікті уақытша ұстау изоляторына қамалған.
– Қазір ол уақытша ұстау изоляторында отыр. Ал тергеу жұмыстары жалғасып жатыр. Тергеушілер қылмыстың мән-жайларын анықтап, қосымша құқық бұзушылықтарды тексеріп жатыр, – делінген хабарламада.
Естеріңізде болса, бұған дейін әлеуметтік желіде ер адамның қызды аяусыз ұрған видеосы тараған болатын. Бейнежазбада ер адам қызды бетінен ұрып, жерге құлатады. Ұрып-соғу мұнымен тоқтамай, сәлден кейін қайта жалғасқан. Кейін жәбірленуші әлеуметтік желіде жігіттің бұған дейін де оған қол көтергенін жазған еді.