Ақтау теңіз портының бұрынғы басшысы сотталып, сот залында босатылды
Ақтау халықаралық теңіз сауда портының бұрынғы президенті Абай Түрікпенбаев 2 жылға бас бостандығынан айырылды, алайда ол сот залында босатылды.
Астана, NEGE. Бірақ оның 2025 жылдың сәуір айынан бері тергеу изоляторында отырған «бір күні екі күн» болып есептелді, деп хабарлайды Kazinform.
Порттың бұрынғы директоры Ахмад Мұстафин 4,5 жылға сотталды. Ол жазасын қауіпсіздігі орташа колонияда өтейді. Тағы екі айыпталушыға 1 жылдан бостандығын шектеу жазасы тағайындалды. Барлығына да өмір бойы мемлекеттік қызметте жұмыс істеуге тыйым салынды.
Сонымен қатар сот Мұстафиннен 2 млрд теңгеден астам қаражат өндіруді, ал қалғандарынан 3,6 млн теңгені ортақ (солидарлық) тәртіппен өндіріп алуды міндеттеді.
Түрікпенбаев 2025 жылдың мамыр айында порт басшылығындағы жемқорлық ісі бойынша ұсталған. Кейін Ұлттық қауіпсіздік комитеті тергеу жүріп жатқанын растады, ал күзде іс материалдары сотқа жолданған.
