Ақтау мен Атырауға рейстер кешігіп жатыр
Air Astana әуекомпаниялар тобы Ақтау және Атырау қалаларына қатынайтын бірқатар рейстердің кешігіп жатқанын хабарлады.
Астана, NEGE. Компания мәліметінше, бұған ауа райының қолайсыздығы және Ақтау мен Атырау бағытындағы ұшақтарға мұзға қарсы өңдеу жұмыстарын жүргізудің мүмкін болмауы себеп болған.
Әуекомпания жолаушыларға әуежайға жолға шықпас бұрын рейстің қазіргі жағдайын тексеруге кеңес береді.
Ақпаратты Air Astana компаниясының ресми сайты немесе мобильді қосымшасы арқылы білуге болады.