АҚШ-тың Мемлекеттік хатшысы Қытайда қамалған қазақтардың туыстарымен кездесті
Қазақстанға келген АҚШ-тың Мемлекеттік хатшысы Майк Помпео Қазақстанның ресми өкілдерімен келіссөз алдында Қытайдың Шыңжаң аймағындағы лагерьлерде отырған этникалық қазақтардың туыстарымен кездескен. Бұл туралы Майк Помпео өзінің Твиттердегі парақшасында жария етті.
Алматы,NEGE. «Шыңжаңдағы лагерьлерге жіберілген немесе ұсталған Қытайдағы этникалық қазақтардың отбасымен кездестік. Мұсылман азшылықтарының бір тобын күштеп өздерін беймәлім тағдыр күтіп тұрған Қытайға қайтармағанына және баспана іздеп келгендерді қорғауына алғаны үшін Қазақстанға алғыс білдіремін». – деп жазады Майк Помпео.
Майк Помпео Қазақстанның сыртқы істер министрі Мұхтар Тілеубердімен кездесуден соң, Қазақстан мен әлем жұртшылығын Қытайдағы репрессияны тоқтатуға күш салуға шақырған еді.
