АҚШ-тың барлау қызметінің бұрынғы офицері Эдвард Сноуден Ресей азаматтығын алды
ЦРУ-дың бұрынғы офицерінің жаңа құқықтық мәртебесін оның адвокаты Анатолий Кучерена мәлімдеді.
Алматы, NEGE. Американың барлау қызметінің бұрынғы офицері Эдвард Сноуден ант беріп, қолына қызыл төлқұжат алды.
Сондай-ақ оның адвокаты Сноуденнің әйелі, 2017 жылы Мәскеуде үйлену тойы өткен америкалық блогер Линдси Миллстің Ресей азаматтығын алуға өтініш білдіріп жатқанын айтты.
Еске салайық, ЦРУ мен АҚШ Ұлттық қауіпсіздік агенттігінің бұрынғы қызметкері 2013 халықаралық жанжалдың себепкері болды. Ол Ол The Washington Post және The Guardian басылымдарына АҚШ пен Ұлыбританияның барлау агенттіктерінің интернеттегі бақылау бағдарламалары туралы құпия материалдарды берген болатын.
Осыдан кейін Сноуден Гонконгқа, одан Мәскеуге ұшып, біраз уақыт Шереметьево әуежайының транзиттік аймағында болған.
2014 жылдың тамызында Эдвард Сноуден Ресейде үш жыл тұруға рұқсат алды, содан кейін оған мерзімсіз құжат берілді.
