Дүние
АҚШ-та вирус құрбандарының есімі New York Times бетінде жарияланды
АҚШ-тың «Нью-Йорк Таймс» басылымы соңғы шығарылымының алғашқы бетін «КОВИД-19» құрбандарына арнады. Газетте коронавирустан көз жұмған америкалықтардың тізімі жарияланды.
Алматы, NEGE. Марқұмдардың аты-жөнінен бөлек олардың жасы, тұрғылықты мекенжайы мен қызметі жайлы мәлімет көрсетілген. Айта кеткен жөн, АҚШ-та 1 миллион 600 мыңнан аса адам коронавирус жұқтырған. Олардың 97 мыңнан астамы көз жұмды. 22 мамырда президент Дональд Трамп індет құрбандарын еске алу үшін барлық федералдық ғимараттар мен ұлттық монументтердегі мемлекеттік туды 3 күнге төмен түсіруді бұйырған еді.