АҚШ-та Трамптың мыңдаған қолдаушысы шеруге шықты

Алматы, NEGE. Акцияға қатысушылар дауыстарды қайта санауды талап етуде. Шерушілер Трамптың қарсыластары елдің бірқатар штатында сайлау қорытындысын бұрмалап, Джо Байденнің жеңісіне жол ашқанын айтады. Шерушілер алдымен Ақ үй алдына жиналып содан кейін Жоғарғы сотқа бет алды. Бірақ акция еш қақтығыссыз бейбіт өтті. Айта кетейік, бұған дейін президент Дональд Трамп пен оның командасы сайлау бюллетеньдерін санауда заңбұзушылық болғанын айтып, кей штат сотына шағым түсірген. Іспен Әділет министрлігі айналысып жатыр. Бірақ бірқатар штат шағымды негізсіз екенін айтып кері қайтарған.