Дүние
АҚШ-та коронавирус құрбандары артып жатыр
АҚШ-та індет ілмегіне ілінгендер аз емес. Мұнда соңғы 24 сағатта 900 адам бақилық болды. Ал қаза тапқандардың жалпы саны 5 мыңнан асады.
Алматы, NEGE Науқастар саны 200 мыңға жеткен. Ауру жұқтыру деректері барлық штатта тіркелген. Тек Нью-Йорктің өзінде олардың саны 50 мыңға таяу. Науқастардың көптігіне байланысты қазір АҚШ-та дәрігерлер тапшылығы мен ауруханадағы орын мәселесі өзекті. Нью-Йорк басшысының сөзінше, Нью-Йорктің өзіне қосымша 65 мың орын қажет. Нью-Йорк мэрі Билл де Блазио: "Өкінішке қарай, науқастар саны күн өткен сайын артып жатыр. Сәуірдің соңына дейін бізге 65 мың орындық емхана салу қажет. Қазір тек 20 науқасқа арналған медициналық мекеме дайын тұр" деді.