АҚШ-та дәрі-дәрмек бағасын арзандататын төрт жарлыққа қол қойылды
АҚШ президенті Дональд Трамп дәрі-дәрмектің бағасын төмендететін 4 жарлыққа қол қойды, деп хабарлайды «Хабар 24».
Алматы, NEGE. Ақ үй басшысының айтуынша, бұл құжаттар дәрі-дәрмекті сату кезінде оның құнын көтеріп отырған делдалдардың әрекетіне тосқауыл қойып, пара берумен күресуге көмектеспек. «Себебі, қазір Құрама Штаттарда дәрі-дәрмектің құны өзге елдерге қарағанда орта есеппен алғанда 50%-ке жоғары», - дейді Ақ үй басшысы.
Президент Трамп алдағы сейсенбі күні осы мәселе бойынша фармацевтикалық компаниялар өкілдерімен кездесуді жоспарлап отыр. АҚШ президенті Дональд Трамп: "Бүгін мен елде дәрі-дәрмектің бағасын арзандатуға бағытталған 4 құжатқа қол қоямын. Біз бұған дейін де олардың құнын төмендетуге күш салып келдік. Бірақ ол жеткіліксіз болды. Сондықтан соңғы 51 жылда алғаш рет дәрігердің кеңесімен берілетін дәрі-дәрмектерге қатысты ірі реформаларды қамтитын шаралар қолға алынып отыр" деді.
