АҚШ-Иран соғысы басталды ма?
Иран генерал Сулейманидің өлімін жауапсыз қалдырмайтынын мәлімдеді.
Алматы, NEGE. Иран генералы Кассем Сулейманийдің өлтірілуін соғыс жариялаумен теңестіруге болады. Бұл туралы Иранның БҰҰ жанындағы тұрақты өкілі Мажид Тахт-Раванчи CNN-ге берген сұхбатында хабарлады. Тұрақты өкіл бұл оқиғаны «Америка Құрама Штаттарының Иран халқына қарсы соғысы» деп атады және әуе шабуылын «Иранға қарсы соғыстың басталуына сәйкес келетін жаңа бөлім» деді.
Тахт-Раванчи сонымен бірге, Иран тарапынан «қазаның қайтарымы» болатынын айтқан. «Ираннан тағы не күтуге болады? Біз жай ғана үнсіз бола алмаймыз. Біз әрекет етуіміз керек және әрекет етеміз», - деді ол.
3 қаңтарға қараған түні АҚШ-тың Бағдат халықаралық әуежайына жасаған зымыран шабуылында Кассем Сулеймани мерт болды. Оны көзін жою туралы бұйрықты Дональд Трамптің өзі берген.
