«Ақшаны үйінде вазаның ішінде сақтаған» – Көлік вице-министрі пара алды деген күдікпен ұсталды
Бұл туралы Ұлттық қауіпсіздік комитетінің баспасөз қызметі хабарлады.
Алматы, NEGE. «Ұлттық қауіпсіздік комитетінің Сыбайлас жемқорлыққа қарсы іс-қимыл қызметі Қазақстан Республикасының Көлік вице-министрін пара алды деген күдікпен ұстап, сот санкциясымен қамауға алды», – делінген хабарламада.
ҰҚК тінту жүргізу сәтінен видеожазба жариялады. Кадрларда вице-министрдің ірі көлемдегі ақшаны үйіндегі вазаның ішінде тығып сақтағаны анық көрінеді.
Қылмыстық-процестік кодекстің 201-бабына сәйкес өзге ақпарат жария етуге жатпайды.
