АҚШ шекарасынан кедергісіз өткісі келген ару америкалық ту бейнеленген хиджаб киген
Мұсылман дінін ұстанатын Бангладеш тұрғыны АҚШ шекарасынан оп-оңай өтіп кету үшін америкалық ту бейнеленген хиджабты киіп алған, деп хабарлайды Lenta.ru.
Алматы, NEGE. TikTok желісінде "omgggridwa" никнеймімен тіркелген блогер әуежайдағы шекара бақылауынан қалай өткенін айтып, видео түсірген. Бангладештік қыздың сөзінше, сапарға шықпас бұрын оған анасы дәстүрлі хиджабты емес, Америка туы бейнеленген орамалды тағуға кеңес берген. "Ол осылайша, мені шекарадан оңай өткізеді деп ойлады", - дейді жазба авторы. Оның видеосы тез таралып, 13 миллионнан астам қаралым жинап үлгерген. Роликті көргендер жарыса пікір жазған. "Менің саған миллион сұрағым болар еді", "Күлкіден өлетін шығармын, мұндай хиджаб күмәнді көбейтеді", "Ал менің әкем шекарадан ковбойлардың аяқ киімімен өткен", "Сені қосымша тексеруге шақырды ма? Күліп отырмын", - дейді желідегілер.
