Дүние
АҚШ Сенаты жаңа мемлекеттік хатшыны сайлады
АҚШ Сенаты 26 қаңтарда Энтони Блинкенді мемлекеттік хатшы лауазымына ресми түрде бекітті.
Алматы, NEGE. Бұл шешімді қолдап 78 сенатор дауыс берді, 22-сі қарсы болған, дейді ТАСС. Жақын арада 58 жастағы Блинкен ант қабылдайды.
Блинкен 2009-2013 жылдары Барак Обама тұсында вице-президент болған Джо Байденнің ұлттық қауіпсіздік жөніндегі кеңесшісі қызметін атқарған. Одан соң президенттің ұлттық қауіпсіздік жөніндегі орынбасары, кейінірек мемлекеттік хатшының орынбасары болды. 2017 жылы ол саяси консалтингпен айналысуға кетті, одан кейін президенттікке үміткер Джо Байденнің командасындағы сыртқы саясат жөніндегі негізгі кеңесшісіне айналды.