АҚШ Ресейге қарсы жаңа санкциялар салмақ
Вашингтонның Мәскеуге қарсы жаңа санкциялары "бірнеше аптада" дайын болады. Бұл туралы Ақ үй өкілі Джен Псаки жұмада журналистерге мәлімдеді, - деп хабарлайды РИА Новости.
Нұр-Сұлтан, NEGE. "Бірнеше аптада, ай емес", - деді Псаки Ресейге қарсы жаңа санкциялар қашан енгізіледі деген сұраққа жауапта.
Ол ресейлік мәселе "бірнеше компоненттен тұратынын" атап өтті. Олар: сайлауға араласу, хакерлік шабуылдар, сондай-ақ Ауғанстандағы америкалық сарбаздардың басы үшін берілген марапаттар. Оның айтуынша, әкімшілік осының барлығын алдағы уақытта да талдайды.
