АҚШ пен Қытай соғысуы мүмкін бе?
«Қытай әскери күштері JL-3 суасты әскери кемесі арқылы АҚШ-тың кез-келген нүктесін атқылай алатын жаңа баллистикалық ракетаны сынақтан өткізді», – деп мәлімдейді The Washington Times басылымы өзінің Пентагондағы сенімді ақпарат көзіне сүйене отырып.
Алматы, NEGE. Сынақ 22 желтоқсан күні Сары теңіздің солтүстік-батыс аймағындағы Бохай шығанағында жүргізілген. Қытай үкіметі өзінің бұл әскери қимылын Солтүстік Корея әскерилері жуырда сынаған алыс қашықтыққа ататын ракетаға жауап ретінде түсіндіргісі келеді. Алайда, АҚШ-тың Әскери әуе-теңіз күштерінің капитаны Джеймс Фанелла бұл әрекетті «Қытайдың Американы ядролық бопсамен ұстағысы келетін саясаты» деп отыр.
The Washington Times басылымының жазуынша, қытайлық JL-3 суасты әскери кемесі соңғы екі жылда осымен төртінші рет мұндай сынақ өткізіп отырған көрінеді. Қытай тарабының барлық қимыл-әрекетін АҚШ-тың барлаушы спутниктері қалт жібермей қадағалауда.
