АҚШ Орталық Азияны Ресейден қорғауға әзір
АҚШ «басты қарсыласымыз» деп Қытайды таниды, бірақ Ресейдің агрессивті әрекеттеріне батыл қарсы тұрмақ. Кремльдің құрығынан Орталық Азияны қорғауға дайын. Бұл туралы Қауіпсіздік жөніндегі Мюнхен конференциясында
АҚШ-тың мемлекеттік хатшысы Майкл Помпео мәлімдеді.
Алматы. NEGE. «АҚШ Ресейдің агрессивті ниетінен еуропалық одақтастарын ғана емес, сонымен қатар, Украина мен Грузияны, Орталық Азияны, тіпті, Арктиканы да қорғайды», – деді Майкл Помпео.
АҚШ-тың мемлекеттік хатшысы еуропалық әріптестерін ресей газынан бас тартуға шақырды. «Ресей «Солтүстік ағын-2» тек қана коммерциялық мақсатты көздейді» дейді, бірақ бұған алданбаңдар», – деді ол. АҚШ жаңа «қырғи қабақ соғыста» Еуроодақты Қытайға қарсы тұруға үгіттеп, Ресейдің энергоресурстарына Еуропаның тәуелділігін болдырмау үшін 1 млрд АҚШ долларын жұмсамақ.
