АҚШ Қазақстандағы реформаларға қолдау білдірді
АҚШ Қазақстандағы саяси жаңғыру және адам құқықтарын қорғау жүйесін жетілдіру бағытындағы реформаларға қолдау білдірді. Бұл туралы ҚазАқпарат хабарлады.
Алматы, NEGE. «Америка Құрама Штаттары ҚР Президенті Қасым-Жомарт Тоқаевтың саяси жаңғыру және адам құқықтарын қорғау жүйесін жетілдіру жөніндегі реформаларын толық қолдайды. Сондай-ақ 5 маусымда өткен референдумды осы бағытты ілгерлетудегі кезекті қадам ретінде бағалайды. Біз Қазақстанға мемлекеттік басқару жүйесін демократияландырудың, ашық және халық үніне құлақ асатын институттар құрудың, сондай-ақ дербес азаматтық қоғаммен бірлесіп адам құқықтарын қорғау саласын күшейту үшін көмектесуге дайынбыз», - делінген АҚШ Мемлекеттік хатшысының Азаматтық қауіпсіздік, демократия және адам құқықтары жөніндегі орынбасары Узра Зеяның хатында.
Узра Зеян хатты ҚР Президентінің Халықаралық ынтымақтастық жөніндегі арнайы өкілі Ержан Қазыханға жолдаған. Құжатта АҚШ демократиялық, жауапты және есеп беретін мемлекеттік басқару жолындағы диалогты жалғастыруға тілектестік білдірген.
Айта кетсек, АҚШ Мемлекеттік хатшысының орынбасары У. Зея 2022 жылдың көктемінде Қазақстанға сапармен келген еді.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
