Дүние
АҚШ халқына жаппай вакцина салмақ
АҚШ-та халыққа коронавируске қарсы екпе салу ертең басталады. «Пфайзер» және «БайоНтек» компанияларының препараттары елдің 145 медициналық орталығына жеткізіледі
, деп хабарлайды 24.kz.
Алматы. NEGE. Жыл соңына дейін вакцина 40 миллион американдыққа салынуы тиіс. Айта кеткен жөн, бұл екпені американдық «Пфайзер» және немістің «БайоНтек» компаниялары бірлесіп жасаған. Осы күнге дейін перпаратты өз аумағында қолдануға 6 ел рұқсат берді. Солардың қатарында АҚШ-тан бөлек Ұлыбритания, Мексика, Канада, Бахрейн мен Сауд Арабиясы бар. Еуроодақ елдерінде вакцинаның сапасына қатысты тексеру әлі жалғасып жатыр. Ол 29 желтоқсанға дейін аяқталуы тиіс.
Гас Перна, Ақ үйдің жаппай вакцинация бағдарламасының басшысы:
- Біз вакциналардың қауіпсіздігіне 100 пайыз сенімдіміз. Күн сайын қаншама адам коронавирус жұқтырып жатыр. Көз жұмғандар өте көп. Вакцина жасаумен айналысқан топтың әрбір мүшесіне үлкен алғысымызды білдіреміз.