АҚШ-тың Сириядағы әскери базасына шабуыл жасалды – БАҚ

Алматы, NEGE. Қазіргі уақытта белгілісі – шабуыл минометпен жасалған.

Кейбір БАҚ таратқан мәліметке сәйкес, батыс Сириядағы Хасеке провинциясының Касрак аймағында орналасқан АҚШ әскери базасы шабуылға ұшыраған. Бұл ақпаратты агенттік Al-Maalomah дереккөзіне сүйене отырып таратты. Агенттік деректеріне сәйкес, база минометтен атқыланған, алайда оқ атқан тараптың кім екені нақтыланбаған.

Басылым тілшілеріне сұхбат бергендер бұл шабуылды «осы өңірдегі алғашқы шабуыл» деп атап, оны «шетел әскеріне халықтың наразылығының артуымен» байланыстырып отыр. Жергілікті тұрғындар бұл базаны «оккупацияның символы» деп есептейді.

Сонымен қатар, Mehr ақпарат агенттігі де шабуылдың нысанасы Касрактағы АҚШ әскери базасы болғанын растайды.

Бұған дейін New York Times басылымы Иранның ядролық нысандарына жасалған шабуылдардан кейін, Иран қолдайтын топтар АҚШ-тың Ирак пен Сириядағы базаларына соққы беруі мүмкін екенін хабарлаған болатын.

              Дайындаған Бердібек Рауан