АҚШ-тағы президент сайлауы: 51 млн адам мерзімінен бұрын дауыс берді

Алматы, NEGE. Мұндай деректер Флорида университетінің мерзімінен бұрын дауыс беру жүйесінің сайтында берілген. Жалпы статистика 53 460 802 сайлаушының мерзімінен бұрын дауыс бергенін көрсетеді. Олардың 27 миллионнан астамы сайлау учаскесіне келіп дауыс берді, ал 25 миллионнан астамы толтырылған бюллетеньдерді пошта арқылы жіберді.

Жарияланған мәліметтерге сәйкес, сайлаушылардың 39,5 пайызы тіркелген демократтар, ал 36,1 пайызы – республикашылдар. Бұл ретте барлық сайлаушылардың 40,8%-ы – 65 жастан асқандар. 41-65 жас аралығындағы сайлаушылардың үлесі – 38,2%, 26-дан 40 жасқа дейінгілер – 14%. 18 бен 25 жас аралығындағы жас сайлаушылардың үлесі – небәрі 6,9%.

Айта кетейік, АҚШ-тағы президенттік сайлау 2024 жылдың 5 қарашасында өтеді. Бұл сайлауда АҚШ-тың 47-ші президенті анықталады.