АҚШ-та жоғалып кеткен қазақстандық жігітке қатысты тың ақпарат айтылды
Қазақстанның Сыртқы істер министрлігі АҚШ-тың құзыретті органдарынан Қазақстан азаматы болуы мүмкін адамның мәйіті табылғаны туралы ақпарат алды.
Астана, NEGE. Бұл жөнінде ведомствода өткен брифингте Сыртқы істер министрлігінің ресми өкілі Ерлан Жетібаев мәлімдеді.
«Қазіргі уақытта америкалық тарап қажетті шаралар жүргізіліп жатыр. Қазақстандық дипломаттар АҚШ-тың құзыретті органдарымен және азаматтың туыстарымен тұрақты байланыста болып, қажетті консулдық-құқықтық көмек көрсетуде», – деді Жетібаев.
Еске салсақ, бұған дейін желіде 24 жастағы Қазақстан азаматы Әсет Құралбайдың АҚШ-та жұмбақ жағдайда жоғалғаны туралы ақпарат тарады. Ол Чикаго қаласына жақын Форд-Хайтс ауданында тұрып жатқан. Соңғы рет 2 маусымда байланысқа шыққан, ал 7 маусымнан бері телефоны өшірулі болып, одан хабар-ошар болмаған.