Дүние
АҚШ-та торнадодан 40 адам қаза тапты
АҚШ-тың орталық және оңтүстік штаттарына сұрапыл құйын соққы берді. «Reuters» агенттігінің мәліметінше, 6 штатта алапат құйыннан қаза тапқан адам саны 40-қа жеткен.
Алматы, NEGE. Табиғи апаттан әсіресе Миссури штатты ең көп зардап шекті. Онда 12 адам қайтыс болған. Ал Канзас штатында бір мезетте 50 көлік апатқа ұшырады.
Оклахомада қатты желден 150 өрт ошағы тіркелген.
Бұған қоса құйын кезінде 4 пойыз аударылды. Штатта төтенше жағдай жарияланған. 350 мыңға жуық тұрғын электр жарығынсыз қалды. Ұлттық ауа райы қызметінің мәліметінше, қауіпті құйын тағы көтерілуі мүмкін.