АҚШ-та TikTok әлеуметтік желісін қолдануға тыйым салынуы мүмкін
АҚШ президенті болып қайта сайланған Дональд Трамп та TikTok-ты жабуға қарсылық білдіріп, Жоғарғы сотқа өтініш айтқан еді.
Алматы, NEGE. Конгресс бекіткен тиісті заңды елдің Жоғарғы соты бір ауыздан конституцияға сай деп шешім шығарды. Яғни әлеуметтік желіні қолдануға тыйым салу сөз бостандығын шектеу болып саналмайды деген ұйғарым жасады. Ал жаңа заңға сай ертең әлеуметтік желі АҚШ аумағында жұмысын тоқтатуы тиіс. Қосымшаны телефонға жүктеу мүмкін болмайды.
АҚШ президенті болып қайта сайланған Дональд Трамп та TikTok-ты жабуға қарсылық білдіріп, Жоғарғы сотқа өтініш айтқан еді. Алайда қолдау таппады. Енді заң бойынша президенттің әлеуметтік желі иесіне тағы үш ай уақыт беруге құқығы бар. Дональд Трамп лауазымына кіріскен күні арнайы қаулы шығаруы мүмкін, дейді сарапшылар.