1 Ақпан 10:45
...
АҚШ-та медициналық ұшақ апатқа ұшырады
Филадельфияда Jet Rescue санитарлық авиация компаниясының Learjet 55 жедел жәрдем ұшағы тұрғын үйлерге құлады.
NEGE, Алматы. Ұшақ әуежайдан ұшып шығып, 30 секундтан соң құлаған.
Бортта 6 адам болған: 2 пилот, дәрігер, фельдшер, науқас және оның анасы. Бәрі Мексика азаматы. Пациент АҚШ-та емделіп, анасымен үйіне қайтып бара жатқан.
Жергілікті билік мәліметінше, тірі қалғандар туралы ақпарат әзірге жоқ. Апаттың себебі де белгісіз. Қазір оқиғаға қатысты тергеу басталды.
Естеріңізге сала кетсек, АҚШ-та бұған дейін, 30 қаңтар күні Вашингтон қаласында ауқымды ұшақ апаты орын алған еді. Ұшақ өзенге құлап, 64 адамның ешқайсысы тірі қалмаған болатын.
