АҚШ-та құс тұмауын жұқтырған науқас көз жұмды
Денсаулық сақтау министрлігінің мәлімдеуі бойынша мұндай жағдай ел тарихында алғаш рет болып отыр, деп жазды 24.kz.
Алматы, NEGE. 65 жастағы Луизиана штатының тұрғыны ауруханаға 18-ші желтоқсанда жатқызылған. Ақпар бойынша, науқас ауладағы тауықтар, жабайы құстармен байланыста болған.
Жалпы АҚШ Ауруларды бақылау және алдын алу орталығының мәліметі бойынша, сәуір айынан бастап елде 70-ке жуық адам құс тұмауын жұқтырған. Олардың көпшілігі ферма қызметкерлері.