16 Тамыз 12:48
...
АҚШ «Роснефть» пен «Лукойлға» қарсы санкциялар енгізуі мүмкін
АҚШ әкімшілігі Ресейдің ірі мұнай компаниялары — «Роснефть» пен «Лукойлға» санкция салу мүмкіндігін қарастыруда. Бұл туралы Bloomberg агенттігі дереккөздерге сілтеме жасап хабарлады.
Алматы, NEGE. Жоспарланып отырған шаралар Кремльге қысымды күшейтуге бағытталған. Олардың қатарында мұнай секторына қатысты шектеулер мен Ресей мұнайын сатып алатын елдерге, соның ішінде Қытайға жаңа кедендік алымдар енгізу бар. Сондай-ақ «көлеңкелі флот» деп аталатын мұнай тасымалдайтын танкерлерге қарсы шаралар қолдану да қарастырылып жатыр.
Мәліметке сүйенсек, «Роснефть» пен «Лукойл» Ресейдің шикі мұнай экспортының шамамен жартысын қамтамасыз етеді — 2025 жылдың алғашқы жартысында бұл көлем тәулігіне 2,2 миллион баррельді құрады.
