АҚШ Қазақстаннан сәлемдемелер қабылдауды уақытша тоқтатты
АҚШ Қазақстаннан сәлемдемелер қабылдауды уақытша тоқтатты, деп хабарлайды «Қазпошта».
Алматы, NEGE. «Қазпошта» АҚ АҚШ Шекара-кеден қызметінің 2025 жылғы 26 тамыздағы шешіміне байланысты АҚШ-тағы мекенжайға бағытталған сәлемдемелерді қабылдау және жеткізу уақытша тоқтатылатынын хабарлайды. Хаттар мен құжаттарды жіберу қалыпты түрде жалғасады», - делінген компания таратқан ақпаратта.
Таратылған мәліметке қарағанда, шектеуді америкалық тарап енгізді және ол көптеген елден келетін халықаралық пошта жөнелтілімдеріне қолданылады. Қазіргі кезде Дүниежүзілік пошта одағына мүше 192 мемлекеттің тек бесеуі ғана АҚШ-қа тауары бар сәлемдеме жібере алады.
«Қазпошта» АҚ серіктестермен тұрақты байланыста және қызметті жылдам қалпына келтіру үшін белсенді келіссөздер жүргізіп жатыр», - деп атап өтеді компаниядан.
