АҚШ Әскери-теңіз күштері 2027 жылы Қытаймен соғысқа дайындалып жатыр
АҚШ Әскери-теңіз күштерінің штаб басшысы Лиза Франчетти 2027 жылға қарай Қытайға қарсы ықтимал әскери әрекетке дайындық жоспарын жариялады.
Алматы, NEGE. АҚШ Әскери-теңіз күштері Қытаймен ықтимал соғысқа дайындық ретінде кемелер мен сүңгуір қайықтарды тездетіп жөндеуге ниетті. Флот 2027 жылға қарай жауынгерлік әзірлікті жүргізуі керек.
АҚШ Әскери-теңіз күштерінің штаб бастығы адмирал Лиза Франчетти жоспар аясында жұмыс істеп жатқанын айтты.
«Біз қысқа уақытта үлкен дәстүрлі флот құра алмаймыз. Навигация жоспарының екі стратегиялық мақсаты бар: 2027 жылға қарай Қытаймен соғысқа дайын болу және АҚШ Әскери-теңіз күштерінің ұзақ мерзімді басымдығын қамтамасыз ету», - деп жазды Лиза Франчетти.
Оның айтуынша, Бейжің 2027 жылы Тайбэйге шабуыл жасауға дайындалып жатыр. Сол уақытқа дейін кемелерді, суасты қайықтарды және ұшақтарды жөндеудегі кідірістерді жойып, ұшқышсыз кемелер мен дрондарды қолданысқа беруді жеделдетуі тиіс.
