Ақсай қаласында мектеп автобусы өртеніп, жүргізуші жарақат алды
Бөрлі ауданы орталығы Ақсай қаласында мектеп жанында автобус отқа оранды, деп хабарлады ҚазАқпарат.
Алматы, NEGE. БҚО ТЖД Бөрлі ауданы төтенше жағдайлар бөлімінің бастығы Талғат Темірғалиевтің мәлім еткеніндей, 21 сәуір күні Аралтал шағынауданында ПАЗ автобусы жанған.
«Тілсіз жау сағат 17.40-та оқшауланып, 17.56-да ауыздықталды. Өрттің шығу себептері, келтірілген залал анықталу үстінде», – деді Т.Темірғалиев.
Бөрлі ауданы білім беру бөлімінің мәліметіне қарағанда, автобус № 8 орта мектеп сыртындағы тұрақта тұрған кезінде шамамен сағат 17.25-те капот астындағы сымдары тиіп, өртенген. Оқиға орнында оқушылар болған жоқ. Көлік жүргізушісі оң қолынан жарақат алды.
БҚО денсаулық сақтау басқармасы баспасөз қызметінің нақтылауынша, оқиға орнына жедел жәрдем бригадасы жеткен кезде ер адамның зардап шеккені анықталды. Оған алғашқы медициналық көмек көрсетіліп, аудандық аурухананың қабылдау бөліміне жеткізілді. Ер адам 1 дәрежелі күйік алған, денесінің 3 пайызы зақымданған.
Қазір оқып жатыр
Сыра және көлік ақауы: Александр Пак сотта әл-Фарабидегі апатқа қатысты өз нұсқасын айтты
Тоқаев АҚШ пен Иран арасындағы келісімді құптады
Дүниежүзілік банк Қазақстанды жасанды интеллект саласында негізгі серіктесі болуға шақырды
Балқашта коттеджде тұратын зейнеткер жалғызбасты қызынан алимент өндірмек болған
