Ақмолада ағайындылар суға батып кетті
Ақмола облысында 31 және 29 жастағы ағайынды жігіттер суға батып кетті, деп хабарлайды облыстық ТЖД баспасөз қызметі.
Алматы, NEGE. Ведомствоның мәліметінше, биылғы жылғы маусымның 27-де Сандықтау аудандық өрт сөндіру бөліміне Петровка ауылы маңындағы Жабай өзенінің жағасынан екі ағайынды жігіттің жеке заттары табылғандығы туралы телефон арқылы хабарланды. «Ер адамдарды іздеу үшін Көкшетаудан шұғыл түрде сүңгуірлер жіберілді. Сонымен бірге, іздестіру шарларына кинологтар жеке құрамына 5 адам 2 бірлік техника, қызметтік ит жұмылдырылды. Нәтижесінде 12:30 Жабай өзенінен 1990 және 1992 жылғы жігіттердің денесі табылды», - деді ведомстводан.
Суға батқан ағалы - інілі жігіттердің әкесінің айтуынша, ұлдары үйде түнемеген. Таңертең Жабай өзенінің жағасында олардың киімдері табылған.