Ақмола облысында төрт жасар бала терезеден құлап кетті
Қосшы қаласында төрт жасар бала екінші қабаттың терезесінен құлады.
Алматы, NEGE. Дәрігерлер баланың жағдайына қатысты ақпаратпен бөлісті, деп хабарлайды Zakon.kz.
Оқыс оқиға бүгін, 20 шілдеде таңертең көппәтерлі тұрғын үйдің аумағында болды.
Түрлі жарақаттары бар ұл бала Астана қаласындағы №2 көпсалалы қалалық балалар ауруханасына жатқызылды.
Ақмола облысының Денсаулық сақтау басқармасы зардап шеккен баланың жағдайына қатысты түсініктеме берді:
"2020 жылы туған бала. Қойылған диагноз: жабық бас миының жарақаты, кеуде қуысының жарақаты, қарын тұсына келтірілген қатты жарақат. Дәрігерлер оның жағдайын "орташа ауырлық дәрежесінде" деп бағалайды".
ТЖМ осындай жағдайлар қайталанбас үшін ата-аналарға балаларын қараусыз қалдырмауды ескертеді. Сондай-ақ:
- москит торларына сенбеңіз. Олар құлаудан қорғауға арналмаған;
- балаларға ересектердің қарауынсыз балконға шығуға рұқсат бермеңіз.
