2 Мамыр 16:46
...
Ақмола облысында өте ірі сомадағы ауыл шаруашылығы техникасының бөлшектерін ұрлағандар ұсталды
Ақмола облысында 40 миллион теңгенің ауыл шаруашылығы техникасының бөлшектерін ұрлағандар ұсталды, деп хабарлайды Polisia.kz.
Алматы, NEGE. Ақмола облысында полицейлер жалпы сомасы 39 миллион 627 мың теңгеге бағаланатын ауыл шаруашылығы техникасының қосалқы бөлшектерін ұрлау дерегін әшкереледі. Қылмыс биылғы жылдың сәуір айында Егіндікөл ауданында тіркелген.
Жүргізілген жедел-іздестіру іс-шаралары барысында полиция қызметкерлері комбайндарға тиесілі бөлшектерді ұрлады деген күдікпен үш азаматты ұстады.
Тергеу барысында бөлшектердің 2024 жылдың қарашасынан 2025 жылдың сәуір айына дейінгі аралықта жергілікті жауапкершілігі шектеулі серіктестіктің аумағынан жүйелі түрде ұрланғаны анықталды.
