Ақмола облысында орман қорының 100 гектардан астам жері мемлекет меншігіне қайтарылды
Ақмола облысының табиғат қорғау прокуратурасы орман заңнамасының сақталуына жүргізілген талдау нәтижелері бойынша ұзақ және қысқа мерзімді орман пайдалану шарттарының талаптарын бұзу фактілерін анықтады.
Алматы, NEGE. Анықталған заңбұзушылықтарды жою үшін мемлекеттік орман иеленушілерге прокурорлық қадағалау актілері жолданды.
Тексеру нәтижесінде орманды мақсатсыз пайдаланған тұлғалармен жасалған шарттар бұзылып, жалпы ауданы 100 гектардан асатын, кадастрлық құны 1,3 миллиард теңге болатын 4 жер учаскесі мемлекет меншігіне қайтарылды.
Орман шаруашылығы мекемелерінің директорлары қатаң тәртіптік жауапкершілікке тартылды.
Осылайша, табиғат қорғау прокуратурасының қабылдаған шаралары нәтижесінде орман қорын тиімді пайдалану және оны сақтау қамтамасыз етілді.