Ақмола облысында екі жылу қазандығы жарылды
Ақмола облысының Жібек Жолы кентінде екі жылу қазандығы жарылды. Бұл туралы Ақмола облысы Аршалы ауданының әкімдігі хабарлады.
Асана, NEGE. Жеке тұрғын үйде 10 шаршы метр аумақты қамтитын жылу қазандығының жарылуынан 1974 жылы туған бір азамат зардап шеккен. Ол Астана қаласындағы №1 көпсалалы облыстық ауруханаға жеткізілген. Пациентке жабық бас ми жарақаты диагнозы қойылды.
Тексеруден кейін пациент амбулаториялық ем алу үшін үйіне жіберілген.
Сонымен қатар, Жібек Жолы кентінде «ҚазАрт» ЖШС-да жылу қазандығы жарылған. Бұл оқиға бойынша зардап шеккендер мен құрбандар жоқ.
«Оқиға орнына Аршалы ауданы Төтенше жағдайлар бөлімі жедел әрекет ету күштері дереу жіберілді: 2 қызметкер мен 1 техника, сондай-ақ Жібек Жолы кентінің авариялық бригадасы (3 адам) аттанды»,- делінген хабарламада.
Қазіргі уақытта оқиғаның себебін анықтау үшін тергеу шаралары жүргізілуде.
