Әкімдік Сарқан ауданы әкімінің орынбасары ұсталды деген ақпаратқа пікір білдірді
Әкімдік Сарқан ауданы әкімінің орынбасары Жомарт Мыңбаев ұсталды деген ақпартқа байланысты мәлімдеме жасады.
Алматы, NEGE. Бүгін телеграм-каналдардың бірінде Жетісу облысы, Сарқан ауданы әкімінің орынбасары ұсталғаны туралы хабар тараған болатын.
- Тақырыпқа орай: «Жетісу облысында әкімнің орынбасары ұсталды»
«Бірқатар дереккөздің хабарлауынша, Антикор Жетісу облысы, Сарқан ауданы әкімінің орынбасары Жомарт Мыңбаевты жол жөндеумен айналысатын мердігерден пара алды деген күдікпен аяқ астынан ұстап, зынданға қамады», – делінген тараған ақпаратта.
Сарқан ауданы әкімдігінің баспасөз қызметі аталмыш ақпаратты жоққа шығарды.
«Сарқан ауданы әкімінің орынбасары Ж.Мыңбаевқа қатысты таратылған ақпарат шындыққа жанаспайды. Бүгінгі таңда аудан әкімінің орынбасары жұмыс орнында», – деп мәлімдеді әкімдік.
