Әкімдік Алматыда қандаланың көбею себебін түсіндірді
Қалада жөке қандаласының (халық арасында — «сасық қандала») жаппай таралуына қарсы жасыл желектерге жүйелі биологиялық өңдеу жүргізілуде.
Алматы, NEGE. Жұмыстар күн сайын таңертең және түнгі уақытта жүргізіледі. Адам мен жануарлар үшін қауіпсіз биологиялық құралдар қолданылады. Әсіресе аула аумақтарында өңдеу белсенді жүргізілуде.
Қандалалардың көбеюінің басты себебі — ауа райының қолайлы жағдайы: салқын көктем мен кенет ысыған ауа температурасы (+35 °C дейін) олардың көбеюіне қолайлы орта қалыптастырды.
Биологиялық өңдеу кезеңдері:
1-кезең — сәуірде аяқталды
2-кезең — 1–30 маусым аралығында өтуде
3-кезең — 5 шілде — 5 тамыз
4-кезең — 15 тамыз — 20 қыркүйек
Жыл басынан бері 2,3 миллион ағаш өңделіп, тұрғындардан 2 мыңнан астам өтініш қабылданды. Қазір шағымдар саны азаюда.
Жөке қандалалары:
— шақпайды
— жұқпалы ауру таратпайды
— аллергия туғызбайды
— карағаш тұқымымен қоректенеді