«Ақкент» тұрғын үй кешенінің тұрғындарына пәтерлерін қалпына келтіруге көмек көрсетіледі
Алматы әкімдігі «Ақкент» тұрғын үй кешенін салушымен бірлесіп, 1 тамызда өрттен зардап шеккен тұрғындарға көмек көрсетеді.
Алматы, NEGE. Әкім Ерболат Досаевтың тапсырмасы бойынша тұрғын үй кешенін салушымен келіссөздер жүргізіліп, оның қорытындысы бойынша шешімдер қабылданды. Құрылыс салушы 2 қыркүйекке дейін пәтерлерге электр қуатын беруді қалпына келтіруге, кірме жолдарды жөндеуге, есік-терезелерді ауыстыруға кеткен шығындарды өтеуге, пәтерлерде әрлеу жұмыстарын жүргізуге міндеттенеді.
Барлық жұмыстар 20 қыркүйекке дейін аяқталуы тиіс. Төтенше жағдайда жасалатын шаралар аясында тұрғындарға уақытша тұратын орын немесе баспана алу мүмкіндігі беріледі. Сонымен қатар, зардап шеккендерге медициналық көмек көрсетіледі.
Өртке оранған марқұмның отбасына екі бөлмелі пәтер тегін беріледі.
