Ақын Мұхтар Шаханов жансақтау бөліміне түсті
Қазақстанның халық жазушысы, ақын Мұхтар Шаханов денсаулығы сыр беріп, жансақтау бөліміне түсті.
Астана, NEGE. Бұл жөнінде Мұхтар Шаханов қорының төрағасы Нұржігіт Ысқақ хабарлады. Ол қазақ халқын ақын үшін дұға жасап, тезірек сауығып кетуіне тілекші болуға шақырды.
«Қазір көкеміз 84 жасқа келді. Бірақ денсаулығы сыр беріп, жансақтау бөлімінде жатыр.
Ендеше, құрметті халайық! Көкеміздің тез сауығып, ортамызға оралуы үшін дұға жасап қояйық!» – деп жазды қор төрағасы желіде.
Сондай-ақ, Нұржігіт Ысқақ жазбасында ақын Мұхтар Шахановтың елге жасаған қызметі мен түркі әлемінде алар орнына, ұлт алындағы өлшеусіз еңбегіне тоқталып өтті.