«Әкемнің зиратына барып кетсем ғой». Лукашенко Бакиевтің арманын айтты
Беларусь президенті Александр Лукашенко Қырғызстанның бұрынғы президенті Құрманбек Бакиев туралы айтты, деп жазады БЕЛТА басылымы.
Астана, NEGE. Лукашенконың сөзінше, Беларусьте тұратын Құрманбек Бакиевтің жағдайы жақсы. Әрі қарай да сол елде қалуы мүмкін.
«Бакиев жақсы өмір сүруде. Барлығы қалыпты. Біз оны сіздерге (Қырғызстанға) енді жібермейміз. Мен оған «Ешқандай сапарлар жоқ, жетті! Беларусьте өмір сүр» дедім. Қалыпты өмір сүруде. Кейде ол шақырғанда қонаққа барамын», –деді Беларусь президенті.
Алайда, Бакиев өз елін қатты сағынып, қиналатынын айтыпты. Лукашенконың сөзінше, экс-президент әкесінің зиратына баруды армандайды.
«Маған үнемі:«Әкемнің зиратына барып кетсем ғой» деп айтады. Оны қазіргі басшылықпен шешеміз деп ойлаймын», – деді Беларусь президенті.
Айта кетейік, Құрманбек Бакиев 2005 жылдан 2010 жылға дейін Қырғызстанның президенті қызметін атқарған.
2010 жылы елдегі көтеріліс кезінде оппозиция президент резиденциясына шабуыл жасады. Бакиев бастапқыда Қырғызстанның оңтүстігіне қашып, кейін Қазақстанға барған, сол жерде отставкаға кету туралы өтініш жазды.
Кейін ол Беларусьте саяси баспана алған.
Қазір оқып жатыр
Перизат Қайраттан тәркіленген тағы бір Mercedes сатылымға шығарылды
Көкшетауда жүргізуші куәлігінсіз адам қағып кеткен әйелдің жазасы кейінге қалдырылды
Ресейде Қазақстаннан жеткізілген көліктер үшін 1 млн рубльге дейін қосымша төлем талап етілуде
Францияда аптап ыстықта көлікте қалған екі бала көз жұмды
