«Air Astana» авиакомпаниясына 876 млн теңге айыппұл салынды
«Air Astana» авиакомпаниясына жанармай алымын негізсіз қолданғаны үшін миллиард теңгеге жуық айыппұл салынды, деп хабарлайды Ulysmedia.kz.
Алматы, NEGE. Компанияға қатысты тексеруді бәсекелестікті қорғау және дамыту агенттігі мен прокуратура жүргізген.
««Air Astana» авиакомпаниясы ұшып шыққан күні немесе жақын күндердегі авиабилеттер сатып алынған кезде жолаушылардың барлық санаттарынан 3500-ден 6500 теңгеге дейінгі мөлшерде жанармай алымын негізсіз алғаны анықталды. Оны қолданудың мақсаты мен қағидатын іс жүзінде реттемеген», деп хабарлады агенттік өкілдері.
Нәтижесінде авиатасымалдаушы 876 млн теңгеден астам сомаға әкімшілік жауапкершілікке тартылды.
Компанияға ішкі рейстердің бағасын 2024 жылдың соңына дейін көтермеуге және 2023 жылдың 6 желтоқсанынан бастап жанармай алымын алып тастауға міндеттелді. Сонымен қатар, агенттік жанармай төлемін мүлдем алып тастау үшін заңға түзетулер енгізуді қолға ала бастады.
Қазір оқып жатыр
Түркістанда жол апатынан полиция капитаны көз жұмды
Астанада сирек кездесетін металдар бойынша өңірлік зерттеу орталығы құрылады
Қостанайда балалар санитариялық жағдайы сын көтермейтін лагерьде демалуға мәжбүр болған
Алматы маңындағы аудандардың бірінде жергілікті деңгейдегі төтенше жағдай жарияланды
