Air China Алматы мен Бейжің арасында тікелей рейс ашты
30 шілдеде Алматы – Бейжің бағытындағы жаңа тікелей рейс іске қосылды.
Алматы, NEGE. Әуе қатынасын Қытайдың ұлттық тасымалдаушысы және Star Alliance жаһандық альянсының мүшесі – мемлекеттік Air China компаниясы жүзеге асырады.
Жаңа әуе бағыты екі ел арасындағы стратегиялық әріптестікті нығайтып, іскерлік және туристік сапарларды жеңілдетуге, сондай-ақ әуе қатынасының географиясын кеңейтуге жол ашады.
2025 жылдың І тоқсанында Алматыға Қытайдан 20 мыңнан астам турист келген. Бұл өткен жылмен салыстырғанда 40% көп.
Қазіргі уақытта Алматы қаласы Гуанчжоу, Сиань, Үрімжі, Шанхай, Ханчжоу және Санья қалаларымен тікелей рейстер арқылы байланысқан. Жаңа рейс Қазақстан мен Қытай арасындағы ай сайынғы 150-ден астам әуе сапарын одан әрі қолжетімді етеді.