Air Astana ұшақтары Иран әуе кеңістігін айналып ұшады
Air Astana әуекомпаниясының баспасөз қызметі Иран әуе кеңістігінің жабылуына байланысты мәлімдеме жасады.
Астана, NEGE. Компания мәліметінше, Шарм-эль-Шейх, Дубай, Доха және Мединаға рейстер Иран әуе кеңістігі арқылы ұшпайды.
«Air Astana Иран әуе кеңістігінің жабылуына байланысты кейбір тұрақты және чартерлік рейстерінің маршруттық жолдарының өзгерістері туралы хабардар етеді. Шарм-эль-Шейх, Дубай, Доха және Мединаға рейстер Иран әуе кеңістігін айналып ұшады.
Air Astana жағдайды жіті бақылауда ұстап отыр», – делінген хабарламада.
Кестеге өзгеріс енгізілгендіктен, компания өкілдері жолаушыларға рейстері туралы мәліметті алдын ала тексеріп алуға кеңес берді.
Ақпаратты мына телефон нөмірлері арқылы нақтылауға болады:
Брондау және ақпарат орталығы: +7 (727) 244 44 77, +7 702 702 44 77
Рейстерді кешіктірген және тоқтатқан жағдайда: +7 (727) 244 44 78
WhatsApp: +7 702 702 00 74.