Air Astana Таяу Шығысқа ұшатын рейстерін тоқтатты
Air Astana әуекомпаниясы Иран әуе кеңістігінің жабылуы мен аймақтағы тұрақсыз жағдайға байланысты рейстер кестесіне өзгеріс енгізілгенін хабарлады.
Астана, NEGE. Компания мәліметінше, мына рейстер ұшып кету әуежайларына оралады:
- KC263 Алматы – Медина;
- KC897 Алматы – Дубай;
- KC653 Алматы – Доха;
- KC205 және КС207 Астана – Дубай.
Ал KC899 Алматы – Дубай рейсі Делиге,
FS7617 FlyArystan Ақтау – Дубай рейсі қосалқы әуеайлаққа ұшты.
Таяу Шығысқа ұшатын қалған рейстер тоқтатылды.
«Жолаушылардан рейстердің мәртебесін тексеруді сұраймыз, себебі межелі әуежайларға ұшып шығу және ұшып келу уақыты өзгеруі мүмкін. Сатып алу орны бойынша Жидда, Медина және Дубайға билеттерді 7 наурызға дейін тегін қайта брондауға және қайтаруға рұқсат етіледі», – деп хабарлады Air Astana өкілдері.
Айта кетейік, 28 ақпанда Израиль қорғаныс армиясы Иранға және Оңтүстік Ливанның бірнеше ауданына соққы жасады.
Шабуыл АҚШ президенті Дональд Трамптың Иранмен ядролық бағдарламасына қатысты соңғы келіссөздеріне «көңілі толмайтынын» мәлімдеген соң бірнеше сағаттан кейін жасалды.