Air Astana көзі қызарған жолаушыны неге ұшаққа мінгізбеді?
Әлеуметтік желіде Air Astana әуекомпаниясының жолаушысы түсірген видео тарап жатыр. Бойжеткен көзі қызарғандықтан оны бортқа жібермегенін айтқан болатын.
Алматы, NEGE. Air Astana компаниясы 26 шілдеде Алматы-Шымкент бағытындағы KC969 рейсінің жолаушысын неге тасымалдаудан бас тартылғанын түсіндірді. Олардың айтуынша, мас күйде болған жолаушының әрекеті әуекомпания қызметкерлерін алаңдатқан.
«Мұндай мінез-құлық жолаушының денсаулығына қауіп төндіруі және басқа жолаушыларға қолайсыздық тудыруы мүмкін екенін ескере отырып, полицияның желілік бөлімшесінің қызметкерлері кейін тексеру кезінде алкогольдік ішімдіктердің бар-жоғын анықтауға шақырылды. Сараптама қорытындысы бойынша, қанда алкоголь бары расталды», - делінген әуе компанияның хабарламасында.
