Аймағамбетовтың баласына мектеп формасын өзі алып бергенін дәлелдейтін фото жарияланды
Баласына мектеп формасын алып жатқан министрдің фотосын "Qumash" телеграм каналы жариялады.
Алматы, NEGE. Бұған дейін Асхат Аймағамбетов мектепке баратын баласын киіндіруге 35 мың теңге жұмсағанын айтып, сауда жасаған чегімен бөліскен болатын.
Аталмыш суреттерді астаналық оқырман жіберген. Ол Glasman (Аsia Park сауда орталығы) дүкенінде жұмыс істейді. Дүкен қызметкері Аймағамбетовтың расымен дүкенде болғанын растап отыр. Дәлел ретінде бейнебақылауға түскен видеоның фотосын жіберген. Фотода көрсетілген уақыт пен чектегі уақыт бір-бірімен сәйкес келіп тұр.
